“Qızıma deyib ki, özünü get balkondan at yerə, yoxsa...”

Tarix: 11 Iyul 2025 10:08

"Könül bacısına zəng edib deyib ki, yoldaşı onu bıçaqla hədələyir".

Sonxeber.net-;n məlumatına görə, bu iddianı "Xəzər Xəbər"ə 11 gün öncə yaşadığı evin eyvanından yıxılaraq ölən 20 yaşlı Könül İbrahimovanın valideyni deyib.

"Qızıma deyib ki, get özünü balkondan at yerə. Sonra deyib ki, səni özüm atacam, heç kəs bilməyəcək ki, mən etmişəm. İki ay yarım onun yanında iztirablarla yaşayıb", - deyə K. İbrahimovanın atası bildirib.

Valideynlər iddia edir ki, Könülü həyat yoldaşı pəncərədən ataraq qətlə yetirib. Onlar bildirirlər ki, hadisə anının kamera görüntülərinə baxdıqda da müəyyən şübhələr yaranır.

Mərhumun yaşadığı binanın komendantı, hadisə şahidi Nəsimi Dadaşlı da cütlüyün daim problemlərinin olduğunu iddia edib.